பார்சிலோனாவை வென்ற அத்லெட்டிகோ மட்ரிட்

ஸ்பானியக் கால்பந்தாட்டக் கழகங்களுக்கு இடையிலான லா லிகா தொடரில், அத்லெட்டிகோ மட்ரிட்டின் மைதானத்தில் இன்று அதிகாலை நடைபெற்ற அவ்வணிக்கும், பார்சிலோனாவுக்குமிடையிலான போட்டியில் 1-0 என்ற கோல் கணக்கில் அத்லெட்டிகோ மட்ரிட் வென்றது.

அத்லெட்டிகோ மட்ரிட் சார்பாகப் பெறப்பட்ட கோலை யனிக் கராஸ்கோ பெற்றிருந்தார்.

இதேவேளை, வில்லாறியலின் மைதானத்தில் நேற்றிரவு நடைபெற்ற அவ்வணிக்கும், நடப்புச் சம்பியன்கள் றியல் மட்ரிட்டுக்குமிடையிலான போட்டி 1-1 என்ற கோல் கணக்கில் சமநிலையில் முடிவடைந்தது. றியல் மட்ரிட் சார்பாகப் பெறப்பட கோலை மரியானோ பெற்றிருந்ததோடு, வில்லாறியல் சார்பாகப் பெறப்பட்ட கோலை ஜெரார்ட் மொரேனோ பெற்றிருந்தார்.