பியொரென்டினாவிடம் தோற்ற மிலன்

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், பியொரென்டீனாவின் மைதானத்தில் நடைபெற்ற அவ்வணியுடனான போட்டியில் 1-2 என்ற கோல் கணக்கில் ஏ.சி மிலன் தோற்றது.

மிலன் சார்பாகப் பெறப்பட்ட கோலை கிறிஸ்டியன் புலிசிச் பெற்றதோடு, பியொரென்டீனா சார்பாக யசின் அடில், அல்பேர்ட் குமுன்ட்சன் ஆகியோர் தலா ஒவ்வொரு கோலைப் பெற்றனர்.

இந்நிலையில் மொன்ஸாவின் மைதானத்தில் நடைபெற்ற அவ்வணியுடனான போட்டியை 1-1 என்ற கோல் கணக்கில் றோமா சமப்படுத்தியது. றோமா சார்பாகப் பெறப்பட்ட கோலை அர்டெம் டொவ்பிக் பெற்றதோடு, மொன்ஸா சார்பாகப் பெறப்பட்ட கோலை டனி மோட்டா பெற்றார்.

இதேவேளை தமது மைதானத்தில் நடைபெற்ற கைகரியுடனான போட்டியை 1-1 என்ற கோல் கணக்கில் ஜுவென்டஸ் சமப்படுத்தியது. ஜுவென்டஸ் சார்பாகப் பெறப்பட்ட கோலை டுஸன் விளாகோவிச் பெற்றதோடு, கைகரி சார்பாகப் பெறப்பட்ட கோலை றஸ்வன் மரின் பெற்றிருந்தார்.