மொரின்ஹோவுக்காக 'வெல்வதை விடத் தோற்பேன்'

செல்சி அணியானது தொடர்ந்து தோல்விகளைச் சந்தித்துவரும் நிலையில், அவ்வணியின் முகாமையாளர் ஜொஸ் மொரின்ஹோவுக்கான ஆதரவு, செல்சி அணிக்குள்ளும் குறைவடைந்து வருவதாக அறிவிக்கப்படுகின்றது.

அவ்வணியின் மூத்த வீரரொருவர், ஜொஸ் மொரின்ஹோவுக்காக 'வெல்வதை விட நான் தோற்பேன்" எனத் தெரிவித்ததாக, பிரபல பி.பி.சி அறிவிப்பாளரான கரி றிச்சர்ட்ஸனின் நிகழ்ச்சியின்போது வெளிப்படுத்தப்பட்டது. இது, அதிர்ச்சிகளை ஏற்படுத்தியுள்ளது.

செல்சி அணியின் முதல்நிலை அணியின் வீரரொருவரிடமிருந்தே இந்தத் தகவல் கிடைத்ததாகத் தெரிவித்த றிச்சர்ட்ஸன், செல்சி அணியிலுள்ள பல்வேறு வீரர்கள், மொரின்ஹோவுடன் முரண்பாடான உறவைக் கொண்டிருப்பதாகவும் தெரிவித்தார்.

இதேவேளை, அவ்வணியின் முன்னணி வீரரான ஈடன் ஹஸார்டுடனான மொரின்ஹோவின் உறவும் மோசமான நிலையை அடைந்துள்ளதாக அறிவிக்கப்படுகின்றது.

வெளியாகும் தகவல்களின்படி, இந்தப் பருவகால முடிவைத் தாண்டி, செல்சி அணியின் முகாமையாளராக மொரின்ஹோ காணப்பட்டால், றியல் மட்ரிட் கழகத்துக் செல்ல, ஹஸார்ட் தயாராகியுள்ளதாகத் தெரிவிக்கப்படுகின்றது.