மீண்டும் மேற்கிந்தியத் தீவுகள் அணியில் கெய்ல்?

இலங்கையை அடுத்த மாத ஆரம்பத்தில் மேற்கிந்தியத் தீவுகள் எதிர்கொள்ளும்போது, மேற்கிந்தியத் தீவுகளின் இருபதுக்கு – 20 சர்வதேசப் போட்டிக் குழாமில், மேற்கிந்தியத் தீவுகளின் முன்னாள் தலைவர் கிறிஸ் கெய்ல் இடம்பெறுவார் என எதிர்பார்க்கப்படுகிறது.

பாகிஸ்தானின் உள்ளூர் இருபதுக்கு – 20 போட்டித் தொடரான பாகிஸ்தான் சுப்பர் லீக்கில் (பி.எஸ்.எல்), குவாட்டா கிளாடியேட்டர்ஸுக்காக பங்கேற்ற 42 வயதான கெய்ல், மேற்கிந்தியத் தீவுகளுக்கு இடையில் திரும்பியுள்ளார்.

இறுதியாக மேற்கிந்தியத் தீவுகளுக்காக, கடந்த 2019ஆம் ஆண்டு ஓகஸ்ட் மாதத்தில் ஒருநாள் சர்வதேசப் போட்டியொன்றில் பங்கேற்றிருந்த கெய்ல், இருபதுக்கு – 20 சர்வதேசப் போட்டியொன்றில் இறுதியாக அவ்வாண்டு மார்ச் மாதம் விளையாடியிருந்தார்.