முதலாமிடத்துக்கு முன்னேறிய றோஹித் ஷர்மா

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான துடுப்பாட்டவீரர்களுக்கான தரவரிசையில் முதலாமிடத்துக்கு இந்தியாவின் றோஹித் ஷர்மா முன்னேறியுள்ளார்.

அவுஸ்திரேலியாவுக்கெதிரான இரண்டாவது, மூன்றாவது போட்டிகளில் 73, 121 ஓட்டங்களைப் பெற்ற நிலையிலேயே மூன்றாமிடத்திலிருந்து இரண்டு இடங்கள் முன்னேறி முதலாமிடத்தையடைந்துள்ளார்.

இங்கிலாந்துக்கெதிரான முதலாவது போட்டியில் 78 ஓட்டங்களைப் பெற்ற நியூசிலாந்தின் டரைல் மிற்செல், ஆறாமிடத்திலிருந்து ஓரிடம் முன்னேறி ஐந்தாமிடத்தையடைந்துள்ளார்.

அவுஸ்திரேலியாவுக்கெதிரான இரண்டாவது போட்டியில் 61 ஓட்டங்களைப் பெற்ற இந்தியாவின் ஷ்ரேயாஸ் ஐயர், 10ஆம் இடத்திலிருந்து ஓரிடம் முன்னேறி ஒன்பதாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. றோஹித் ஷர்மா, 2. இப்ராஹிம் ஸட்ரான், 3. ஷுப்மன் கில், 4. பாபர் அஸாம், 5. டரைல் மிற்செல், 6. விராட் கோலி, 7. சரித் அசலங்க, 8. ஹரி டெக்டர், 9. ஷ்ரேயாஸ் ஐயர், 10. ஷாய் ஹோப்.

இங்கிலாந்துக்கெதிரான முதலாவது போட்டியில் ஒரு விக்கெட்டைக் கைப்பற்றிய நியூசிலாந்தின் மிற்செல் சான்ட்னெர், பந்துவீச்சாளர்களுக்கான தரவரிசையில் ஏழாமிடத்திலிருந்து மூன்று இடங்கள் முன்னேறி நான்காமிடத்தையடைந்துள்ளார்.

இந்தியாவுக்கெதிரான மூன்றாவது போட்டியில் ஒரு விக்கெட்டைக் கைப்பற்றிய அவுஸ்திரேலியாவின் ஜொஷ் ஹேசில்வூட், 10ஆம் இடத்திலிருந்து இரண்டு இடங்கள் முன்னேறி எட்டாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ரஷீட் கான், 2. கேஷவ் மஹராஜ், 3. மகேஷ் தீக்‌ஷன, 4. மிற்செல் சான்ட்னெர், 5. ஜொஃப்ரா ஆர்ச்சர், 6. பெர்னார்ட் ஸ்கொல்ட்ஸ், 7. குல்தீப் யாதவ், 8. ஜொஷ் ஹேசில்வூட், 9. மற் ஹென்றி, 10. அடில் ரஷீட்.

முதல் ஐந்து சகலதுறைவீரர்களின் தரவரிசை பின்வருமாறு,

1. அஸ்மதுல்லா ஓமர்ஸாய், 2. சிகண்டர் ராசா, 3. மொஹமட் நபி, 4. மெஹிடி ஹஸன் மிராஸ், 5. ரஷீட் கான்.