முழங்கால் காயத்தால் போட்டிகளைத் தவற விடப் போகும் ஹவேர்ட்ஸ்

இங்கிலாந்து பிறீமியர் லீக் கால்பந்தாட்டக் கழகமான ஆர்சனலின் முன்களவீரரான கை ஹவேர்ட்ஸுக்கு முழங்கால் காயமொன்று ஏற்பட்டதையடுத்து போட்டிகளைத் தவறவிடவுள்ளாரெனக் கூறப்படுகிறது.

புதன்கிழமை (20) பயிற்சியை 26 வயதான ஹவேர்ட்ஸ் தவறவிட்ட நிலையில் அவரது காயம் எவ்வளவு பாரதூரமானதென தெளிவில்லாமலுள்ளது.

ஏற்கெனவே கப்ரியல் ஜெஸூஸும் காயமடைந்துள்ள நிலையில் விக்டர் யோக்கிரிஷ் மாத்திரமே முன்களவீரராகக் காணப்படுகின்றார்.

அந்தவகையில் முன்களவீரரொருவரை கைச்சாத்திட ஆர்சனல் முயலுமென எதிர்பார்க்கப்படுகிறது.