‘மெஸ்ஸியின் பார்சிலோனா ஊதியம் நிலையானதல்ல’

ஸ்பானிய லா லிகா கழகமான பார்சிலோனாவில் நிதிநிலைமை காரணமாக, அவ்வணித்தலைவர் லியனல் மெஸ்ஸியின் ஊதியம் மிகவும் பெரியது என அக்கழகத்தின் தலைவர் வேட்பாளர் எமிலி றெளசெளட் தெரிவித்துள்ளார்.

இந்நிலையில், குறைக்கப்பட்ட ஒப்பந்தமொன்றில் முன்களவீரரான மெஸ்ஸியை தக்க வைக்க விரும்புவதாக றெளசெளட் தெரிவித்துள்ளார்.

பார்சிலோனாவுடன் இன்னும் ஏழு மாதங்கள் ஒப்பந்தத்தையே ஆர்ஜென்டீனாவின் சர்வதேச அணியின் தலைவருமான மெஸ்ஸி கொண்டிருக்கிறார்.

அடுத்த மாதம் முதல் வேறொரு நாட்டிலுள்ள வைரிக் கழகங்களுடன் மெஸ்ஸி பேரம்பேச முடியும் என்பது குறிப்பிடத்தக்கது.