மொஷின் கானை பிரதியிட்ட ஷர்துல் தாக்கூர்

இந்தியன் பிறீமியர் லீக்கின் (ஐ.பி.எல்) லக்னோ சுப்பர் ஜையன்ட்ஸ் குழாமில் மொஷின் கானின் பிரதியீடாக ஷர்துல் தாக்கூர் இணைந்துள்ளார்.

நடப்பாண்டு ஐ.பி.எல்லுக்கு முந்தைய ஏலத்தில் எந்த அணியாலும் வாங்கப்படாத தாக்கூர், கடந்த பருவகாலத்தில் சென்னை சுப்பர் கிங்ஸ் அணிக்காக விளையாடியிருந்தார்.

மொஷின் தவிர மாயங்க் யாதவ், ஆவேஷ் கான், ஆகாஷ் டீப் என லக்னோவின் மற்றைய மூன்று பிரதான வேகப்பந்துவீச்சாளர்களும் பெங்களூருவிலுள்ள இந்திய கிரிக்கெட் கட்டுப்பாட்டுச் சபையின் மய்யத்தில் காயத்திலிருந்து மீண்டு வருகின்றமை குறிப்பிடத்தக்கது.