மோதலையடுத்து குமார, தாஸுக்கு அபராதம்

சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரில், நேற்று முன்தினம் இடம்பெற்ற போட்டியில் மோதிய இலங்கை வேகப்பந்துவீச்சாளர் லஹிரு குமார, பங்களாதேஷின் துடுப்பாட்டவீரர் லிட்டன் தாஸுக்கு அபராதம் விதிக்கப்பட்டுள்ளது.

சர்வதேச கிரிக்கெட் சபையின் நடத்தைக் கோவையில் முதலாவது கட்டத்தை மீறியதற்காக குமாரவின் போட்டி ஊதியத்தில் 25 சதவீதம் அபராதம் விதிக்கப்பட்டுள்ளதுடன், தாஸுக்கு 15 சதவீதம் அபராதம் விதிக்கப்பட்டுள்ளது.

இதேவேளை, அபராதங்களுக்கு மேலாக இருவருக்கும் ஒரு தண்டப் புள்ளியும் வழங்கப்பட்டுள்ளது.