யூரோ போட்டியில் நிலைகுலைந்து வீழ்ந்த எரிக்ஸன்

யூரோ கிண்ணத் தொடரில், நேற்று  நடைபெற்ற பின்லாந்துடனான போட்டியில் டென்மார்க்கின் மத்தியகள வீரரான கிறிஸ்டியன் எரிக்ஸன் நிலைகுலைந்து வீழ்ந்திருந்தார்.

டென்மார்க்கில் நடைபெற்ற குறித்த போட்டியின்போது களத்தில் வைத்தே எரிக்ஸனுக்கு செயற்கைச் சுவாசமளிக்கப்பட்டிருந்ததுடன், வைத்தியசாலைக்கு பின்னர் கொண்டு செல்லப்பட்டிருந்தார்.

இந்நிலையில், எரிக்ஸன் நிலையாக இருப்பதாகவும், நினைவுக்கு வந்து எழும்பியுள்ளதாக அதிகாரிகள் தெரிவித்துள்ளனர்.

குறித்த போட்டியானது இச்சம்பவத்துடன் இடைநிறுத்தப்பட்டு பின்னர் ஆரம்பித்த நிலையில், ஜோயல் பொஹ்ஜன்பாலோ பெற்ற கோலுடன் 1-0 என்ற கோல் கணக்கில் பின்லாந்து வென்றிருந்தது.