யூரோ: விலகிய நெதர்லாந்து முகாமையாளர்

நெதர்லாந்து சர்வதேச கால்பந்தாட்ட அணியின் முகாமையாளரான பிராங்க் டீ பொயர், தனது பதவியிலிருந்து விலகியுள்ளதாக நெதர்லாந்து கால்பந்தாட்டச் சங்கம் இன்று அறிவித்துள்ளது. 

யூரோ கிண்ணத் தொடரிலிருந்து, செக் குடியரசிடம் இறுதி 16 அணிகளுக்கான சுற்றுப் போட்டியில் தோற்று நெதர்லாந்து வெளியேறியமையைத் தொடர்ந்தே இந்த அறிவிப்பு வெளிவந்துள்ளது.

கடந்தாண்டு செப்டெம்பர் மாதத்தில் பணிக்கமர்த்தப்பட்ட டீ பொயர், அடுத்தாண்டு வரையிலான ஒப்பந்தமொன்றைக் கைச்சாத்திட்டிருந்தார்.