லெய்செஸ்டரை வீழ்த்திய மன்செஸ்டர்

இங்கிலாந்து கால்பந்தாட்டக் கழகங்களுக்கு இடையிலான பிறீமியர் லீக் தொடரில், தமது மைதானத்தில் நேற்று அதிகாலை நடைபெற்ற லெய்செஸ்டர் சிற்றி உடனான போட்டியில் 3 – 0 என்ற கோல் கணக்கில் மன்செஸ்டர் யுனைட்டெட் வென்றது.

யுனைட்டெட் சார்பாக, மார்க்கஸ் றஷ்ஃபோர்ட் இரண்டு கோல்களையும், ஜடோன் சஞ்சோ ஒரு கோலையும் பெற்றனர்.

பிறீமியர் லீக் புள்ளிகள் பட்டியலில் 54 புள்ளிகளுடன் முதலாமிடத்தில் ஆர்சனல் காணப்படுகின்றது. 52 புள்ளிகளுடன் இரண்டாமிடத்தில் நடப்புச் சம்பியன்கள் மன்செஸ்டர் சிற்றியும், 49 புள்ளிகளுடன் மூன்றாமிடத்தில் யுனைட்டெட்டும், 42 புள்ளிகளுடன் நான்காமிடத்தில் டொட்டென்ஹாம் ஹொட்ஸ்பரும் காணப்படுகின்றன. 41 புள்ளிகளுடன் ஐந்தாமிடத்தில் நியூகாசில் யுனைட்டெட் காணப்படுகின்றது. இதில், ஆர்சனலும், நியூகாசில் யுனைட்டெட்டும் ஒரு போட்டி குறைவாக விளையாடியுள்ளன.