வென்றார் ரொஜர் பெடரர்

தனது காயத்திலிருந்து திரும்பியுள்ள, 17 கிரான்ட் ஸ்லாம் பட்டங்களை வென்ற சுவிற்ஸர்லாந்தின் ரொஜர் பெடரர், வெற்றியுடன் தனது மீள்வருகையை ஆரம்பித்துள்ளார்.

தற்போதைய, உலகின் 16ஆம் நிலை வீரரான 35 வயதான பெடரர், 6-3, 6-4 என்ற செட் கணக்கில் பிரித்தானியாவின் டான் இவான்ஸைத் தோற்கடிக்க, ஹொப்மன் கிண்ணத்தில், 3-0 என்ற ரீதியில் பெரிய பிரித்தானியாவை சுவிற்ஸர்லாந்து தோற்கடித்தது.

உலகின் 43ஆம் நிலை வீராங்கனையான சுவிற்ஸர்லாந்தின் பெலின்டா பென்சிச், 7-5, 3-6, 6-2 என்ற செட் கணக்கில் உலகின் 76ஆம் நிலை வீராங்கனையான ஹீதர் வற்சனைத் தோற்கடித்திருந்தார்.

பெடரரும் பென்சிச்சும் இணைந்து, 4-0, 4-1 என்ற செட் கணக்கில் இவான்ஸையும் வற்சனையும் தோற்கடித்திருந்தனர்.