வென்றது பரிஸ் ஸா ஜெர்மைன்

நடப்பு பிரெஞ்சு லீக் 1 சம்பியன்கள் பரிஸ் ஸா ஜெர்மைனுக்கும் கடந்த பருவகால பிரெஞ்சு லீக் 1 தொடரின் புள்ளிகள் பட்டியலில் இரண்டாமிடம் பிடித்த மொனாக்கோவுக்குமிடையிலான பிரெஞ்சு சுப்பர் கிண்ணப் போட்டியில் பரிஸ் ஸா ஜெர்மைன் வென்றது.

சீனாவில் நேற்று இடம்பெற்ற குறித்த போட்டியில், 4-0 என்ற கோல் கணக்கில் மொனாக்கோவை பரிஸ் ஸா ஜெர்மைன் வென்றது. பரிஸ் ஸா ஜெர்மைன் சார்பாக, அஞ்சல் டி மரியா இரண்டு கோல்களையும் கிறிஸ்டோபர் என்குங்கு, டிமோதி வெயா ஆகியோர் தலா ஒவ்வொரு கோலையும் பெற்றனர்.