வென்றது யுனைட்டெட்

இங்கிலாந்து பிறீமியர் லீக்கில், தமது மைதானத்தில் நேற்று இடம்பெற்ற நியூகாசில் யுனைட்டெட் அணியுடனான போட்டியில் 3-2 என்ற கோல் கணக்கில் மன்செஸ்டர் யுனைட்டெட் வென்றது. மன்செஸ்டர் யுனைட்டெட் சார்பாக, ஜுவான் மாத்தா, அன்டோ மார்ஷியல், அலெக்ஸிஸ் சந்தேஸ் ஆகியோர் தலா ஒவ்வொரு கோலைப் பெற்றதோடு, நியூகாசில் யுனைட்டெட் சார்பாக கெனெடி, யொஷினோரி முட்டோ ஆகியோர் தலா ஒவ்வொரு கோலைப் பெற்றனர்.

இதேவேளை, தமது மைதானத்தில் நேற்று  இடம்பெற்ற கார்டிப் சிற்றி அணியுடனான போட்டியில் எரிக் டயரின் கோலோடு 1-0 என்ற கோல் கணக்கில் டொட்டென்ஹாம் ஹொட்ஸ்பர்ஸ் வென்றிருந்தது.