வைரலான நியூ யோர்க் மேயரின் முரளியின் டூஸ்ரா குறிப்பு

ஐக்கிய அமெரிக்காவின் நியூ யோர்க் நகர மேயர் ஸொஹ்ரான் மம்டானியால் இலங்கையின் முன்னாள் வீரர் முத்தையா முரளிதரன் குறித்த குறிப்பு வைரலாகியுள்ளது.

நியூ யோர்க்கை தளமாகக் கொண்ட நகைச்சுவையாளரான ஷெனக்குடனான உரையாடலின்போது, தான் எவ்வாறு நல்ல இலங்கை இளைஞராக இருப்பதென தனது அம்மா அறிய விரும்புகின்றாரென மம்டானியிடம் ஷெனக் வினவும்போது முன்னர் ஒரு பக்கம் சென்று பின்னர் மறுபக்கம் திரும்பும் முரளிதரனின் டூஸ்ராவை சுட்டிக்காட்டி ஒருபோதும் முதலில் உங்களது நகர்வை வெளிக்காட்டக்கூடாதென மம்டானி கூறியுள்ளார்.