ஸவ்ரேவ்வை வென்று சம்பியனான சின்னர்

அவுஸ்திரேலிய பகிரங்க டென்னிஸ் தொடரில் உலகின் முதல்நிலை வீரரான ஜனிக் சின்னர் சம்பியனானார்.

ஞாயிற்றுக்கிழமை (26) நடைபெற்ற இறுதிப் போட்டியில் இரண்டாம் நிலை வீரரான அலெக்ஸான்டர் ஸவ்ரேவ்வை எதிர்கொண்ட இத்தாலியின் சின்னர் 6-3, 7-6 (7-4), 6-3 என்ற நேர் செட்களில் வென்று சம்பியனானார்.

தனது அரையிறுதிப் போட்டியில் ஐக்கிய அமெரிக்காவின் பென் ஷெல்டனை சின்னரும், ஆறாம் நிலை வீரரான நொவக் ஜோக்கோவிச்சை வென்று ஜேர்மனியின் ஸவ்ரேவ்வும் இறுதிப் போட்டிக்குத் தகுதி பெற்றிருந்தனர்.