ஸ்பானிய குரான் பிறீ: வென்றார் வெர்ஸ்டப்பன்

ஸ்பானிய குரான் பிறீயானது ஸ்பெய்னின் பார்சிலோனாவில் நேற்று முன்தினம் நடைபெற்றபோது நடப்புச் சம்பியனான மக்ஸ் வெர்ஸ்டப்பன் வென்றார்.

இந்நிலையில் பந்தயத்தை நான்காமிடத்திலிருந்து ஆரம்பித்து இரண்டாமிடத்தை மெர்சிடீஸ் அணியின் லூயிஸ் ஹமில்டன் பெற்றதோடு, 12ஆம் இடத்திலிருந்து ஆரம்பித்த மெர்சிடீஸின் மற்றைய ஓட்டுநர் ஜோர்ஜ் ரஸல் மூன்றாமிடத்தைப் பெற்றார்.

அந்தவகையில் இவ்வாண்டுக்கான போர்மியுலா வண் சம்பியன்ஷிப் புள்ளிகள் பட்டியலில் றெட் புல் அணியின் *வெர்ஸ்டப்பன் 170 புள்ளிகளுடன் முதலாமிடத்தில் காணப்படுகின்றார். றெட் புல்லின் மற்றைய ஓட்டுநரான சேர்ஜியோ பெரேஸ் 117 புள்ளிகளுடன் இரண்டாமிடத்தில் காணப்படுகின்றார். மூன்றாமிடத்தில் 99 புள்ளிகளுடன் அஸ்தன் மார்டினின் பெர்ணாண்டோ அலோன்ஸோ காணப்படுகின்றார்.