ஹெர்தா பெர்லினில் இணைந்த கெதீரா

ஜேர்மனிய புண்டெஸ்லீகா கழகமான ஹெர்தா பெர்லினில், இத்தாலிய சீரி ஏ கழகமான ஜுவென்டஸின் மத்தியகளவீரரான சமி கெதீரா இணைந்துள்ளார்.

ஜுவென்டஸுக்காக 99 போட்டிகளில் விளையாடி 21 கோல்களைப் பெற்றுள்ள கெதீரா, ஐந்து சீரி ஏ பட்டங்களை வென்றிருந்தார்.

எவ்வாறெனினும் நடப்பு பருவகாலத்தில் ஜுவென்டஸுக்காக எப்போட்டியிலும் கெதீரா விளையாடியிருக்கவில்லை.

கடந்த 2019ஆம் ஆண்டு பெப்ரவரி மாதத்தில் வழமையற்ற இதயத் துடிப்புக்காக கெதீரா சிகிச்சை பெற்றிருந்தார்.