நிரந்தர வீடுகளின்றி சிரமப்படுவதாக சிகரம் மக்கள் கவலை

Suganthini Ratnam / 2012 மே 09 , மு.ப. 09:30 - 0 - {{hitsCtrl.values.hits}}

(எம்.சுக்ரி)

மட்டக்களப்பு மாவட்டத்தின் ஆரையம்பதி பிரதேச செயலாளர் பிரிவிலுள்ள சிகரம் கிராமத்தில் தாங்கள் மீள்குடியேறி 8 வருடங்களானபோதிலும், தங்களுக்கு இன்னமும் நிரந்தர வீடுகள் அமைத்துக்கொடுக்கப்படவில்லையென அக்கிராம மக்கள் தெரிவித்தனர்.

1990ஆம் ஆண்டு நிலவிய அசாதாரண சூழ்நிலை காரணமாக சிகரம் கிராமத்திலிருந்து இடம்பெயர்ந்த இம்மக்கள், புதிய காத்தான்குடி பிரதேச கடற்கரையை அண்டி வாழ்ந்துவந்திருந்தனர். இந்நிலையில், 2004ஆம் ஆண்டு ஏற்பட்ட சுனாமி அனர்த்தத்தினால்; இவர்களின் இருப்பிடங்களும் உடைமைகளும் சேதமடைந்த நிலையில் இவர்கள் தங்களது சிகரம் கிராமத்தில் மீள்குடியேறினர்.

தற்காலிகக் கூடாரங்களில் வாழ்ந்துவந்த இம்மக்களுக்கு அரசசார்பற்ற நிறுவனமொன்று தற்காலிகக் குடிசைகளை அமைத்து கொடுத்தது. இந்த தற்காலிகக் குடிசைகளில் கடந்த 8 வருடங்களாக இம்மக்கள் வாழ்ந்துவருகின்றனர். 63 குடும்பங்கள் வசிக்கும் இக்கிராமத்தில் 52 குடும்பங்கள் தற்காலிக குடிசைகளில் வசித்து வருகின்றனர்.

பல தடவைகள் நிரந்தர வீட்டுக்கான கோரிக்கைகளை அரசியல்வாதிகளிடமும் அரசாங்க அதிகாரிகளிடமும் தாம் முன்வைத்ததாகவும் இருப்பினும் தமது கோரிக்கைகள் நிறைவேற்றிக்கொடுக்கப்படவில்லையெனவும் இக்கிராம மக்கள் தெரிவித்தனர். குடிசைக் கைத்தொழிலையே தாம் வாழ்வாதாரமாக கொண்டுள்ளதாகவும் மழை காலத்திலும் வெயில் காலத்திலும் தாம் வசிக்கும் தற்காலிக குடிசைகளில் பல்வேறு அசௌகரியங்களை எதிர்நோக்குவதாகவும் இம்மக்கள் குறிப்பிட்டனர். இந்நிலையில் நிரந்த வீடுகளை தங்களுக்கு நிர்மாணித்துத் தருவதுடன், அரசாங்க பாடசாலையொன்றையும் அமைத்து தருமாறும் இக்கிராம மக்கள் வேண்டுகோள் விடுத்துள்ளனர்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .

பெயர்:

மின்னஞ்சல்:

உங்கள் கருத்து:

Tamil Mirror

நிரந்தர வீடுகளின்றி சிரமப்படுவதாக சிகரம் மக்கள் கவலை

RECOMMENDED

SLC அணி மேற்கிந்திய தீவுகளுக்கு விஜயம்

“ஜனாதிபதியின் மனிதநேயம் ; ஊருக்கு உபதேசம் உனக்கில்லையடி”

இஷாம் மரிக்கார் பிணையில் விடுதலை

TODAY'S HEADLINES

SLC அணி மேற்கிந்திய தீவுகளுக்கு விஜயம்

கோட்டையை ஆளப்போவது யார்: வேடசந்தூர் சொல்லும் ராசி

போதைப்பொருள் கடத்திய 22 தேரர்கள்: விளக்கை மறைத்து இருளாக்கிய பிக்குகள்

இலங்கை மகளிர் கிரிக்கெட் அணி வெற்றியுடன் தாயகம் திரும்பியது

Comments - 0

TODAY'S HEADLINES

SLC அணி மேற்கிந்திய தீவுகளுக்கு விஜயம்

கோட்டையை ஆளப்போவது யார்: வேடசந்தூர் சொல்லும் ராசி

போதைப்பொருள் கடத்திய 22 தேரர்கள்: விளக்கை மறைத்து இருளாக்கிய பிக்குகள்

இலங்கை மகளிர் கிரிக்கெட் அணி வெற்றியுடன் தாயகம் திரும்பியது

சினிமா

கணவனின் ஆசைக்காக ரஜினியுடன் இணைந்த மேக்னா

திரிஷாவுக்கு மே.4 பிறந்தநாள்: விஜய்க்கு திக்…திக்

எனது வேகத்தை வீதி தாங்குமா? சோதிக்கும் அஜித்குமார்

லோகேஷ் கனகராஜ் விஜய்க்கு செய்த துரோகம்: தொடரும் மிரட்டல்கள்!