காத்தான்குடி பள்ளிவாசலில் கல்விக் கூடம் அங்குரார்ப்பணம்

காத்தான்குடி, மொஹியித்தீன் தைக்கா பள்ளிவாசலில் கல்விக் கூடமொன்று,  நேற்று அங்குரார்ப்பணம் செய்யப்பட்டது.

மறைந்த காத்தான்குடி ஜாமியத்துல் பலாஹ் அறபுக்கல்லூரியின் அதிபரான ஷைகுல் பலாஹ் அவர்களின் பெயரில், மீள்குடியேற்ற மற்றும் புனர்வாழ்வு இராஜாங்க அமைச்சர் எம்.எல்.ஏ.எம் ஹிஸ்புல்லாவால் இந்தக் கல்விக் கூடம் ஆரம்பித்து வைக்கப்பட்டது.

ஆண் மாணவர்களின்  கல்வியை மேம்படுத்தவும் மாணவர்களின் ஒழுக்கவிழுமியங்கள் பண்பாட்டு விருத்தியை அதிகரிக்கவும் மற்றும் மாலை நேர  சுய கற்றல் வகுப்புகளை ஏற்படுத்தி, அவர்களை கல்வியின்பால் சிந்தனையை ஏற்படுத்தவும் இக்கற்கை நிலையம் ஆரம்பித்து வைக்கப்பட்டதாக, பள்ளிவாசலின் செயலாளர் மௌலவி எம்.பி.எம் பாஹிம் பலாஹி தெரிவித்தார்.

கல்விக் கூடத்துக்கான தளபாடங்கள், இராஜாங்க அமைச்சரால் நிர்வாகத்தினரிடம் இதன்போது வழங்கி வைக்கப்பட்டதுடன், பள்ளிவாசல் நிர்வாகத்தினரால் நினைவுச்சின்னமொன்றும் இராஜாங்க அமைச்சருக்குக் கையளிக்கப்பட்டது.