கற்பாறை விழுந்து 7 பேர் பலி

(மொஹொமட் ஆஸிக்)

கண்டி அனிவத்த பிரதேசத்தில் உள்ள வீட்டுத் தொகுதியில் கற்பாறை ஒன்று விழுந்ததன் காரணமாக ஏழு பேர் உயிரிழந்துள்ளதுடன் 10 பேர் பலத்த காயங்களுககுள்ளாகி கண்டி போதனா வைத்தியசாலையில் அனுமதிக்கப்பட்டுள்ளனர்.

கற்பாறை விழுந்ததால் காயமடைந்த 10 பேரையும் இரு சடலங்களையும் இன்று மாலையே கண்டெடுக்கப்பட்டுள்ளது.

இடிபாட்டுக்குள் சிக்கியுள்ள மற்றவர்களை கண்டெடுக்கும் பணியில் இராணுவத்தினரும் பொலிஸாரும்; ஈடுபட்டுள்ளனர்.

கற்பாறைக்குள் சிக்குண்டுள்ள மற்றையவர்களை மீட்பதற்காக இரானுவத்தினர் வெடி மருந்துகளை பயன்படுத்தி கற்பாறையை வெடிவைக்கும் பணியில் ஈடுபட்டுள்ளனர்.

சம்பவம் தொடர்பான மேலதிக விசாரணைகளை கண்டி பொலிஸார் மற்றும் இராணுவத்தினர் நடத்தி வருகின்றனர்.