தீ விபத்தினால் பாதிக்கபட்ட குடும்பங்களுக்கு நிதியுதவி

( எஸ்.சுவர்ணஸ்ரீ )
நோர்வூட் பிரதேசத்திலுள்ள சென்ஜோன் கீழ்ப்பிரிவு தோட்ட குடியிருப்பில் கடந்த 15ஆம் திகதி, திங்கட்கிழமை இரவு ஏற்பட்ட தீடீர் தீ விபத்தினால் 6 வீடுகள் சேதமடைந்துள்ளன. மின்சார ஒழுக்கினால் ஏற்பட்ட தீயே விபத்திற்குக் காரணம் என தெரிவிக்கப்கின்றது.  இத்தீவிபத்தினால் 13 குடும்பங்கள் நிர்க்கதியாகியுள்ளன.

சம்பவத்தை அறிந்து ஸ்தலத்திற்கு விரைந்த மத்திய மாகாண தமிழ் கல்வி அமைச்ச, அனுஷியா சிவராஜா பாதிப்படைந்த மக்களுக்கு ஆறுதல் கூறியதுடன், உடனடி நிவாரணத் தொகையாக பத்தாயிரம் ரூபாவிற்கான காசோலையை 6 குடியிருப்பாளர்களுக்கும் வழங்கினார்.

மேலும் அவர், அடுத்த கட்ட நிவாரண நடவடிக்கையை அமைச்சு மூலம் உடன் மேற்கொள்வதாகவும் தெரிவித்தார்.