கம்பளை சாஹிரா கல்லூரியின் பெற்றோர்கள் ஆர்ப்பாட்டம்

(எம்.எம்.எம். ரம்ஸீன்)

கம்பளை சாஹிரா கல்லூரியின் பெற்றோர்கள் இன்று வெள்ளிக்கிழமை காலை 10.30 மணியளவில் ஆர்ப்பாட்ட பேரணியொன்றில் ஈடுபட்டனர்.

கம்பளை சாஹிரா கல்லூரிக்கு பின்புறமாகவுள்ள குடியிருப்புக்களுக்கு செல்வோருக்கு பாடசாலை காணியினூடாக பாதை வழங்கக்கூடாது என்று கோரியே பெற்றோர்கள் ஆர்ப்பாட்டப் பேரணியில் ஈடுபட்டனர்.

கம்பளை சாஹிரா கல்லூரிக்கு அருகில் ஒன்றுகூடிய சுமார் ஐந்நூற்றுக்கும் மேற்பட்ட  பெற்றோர் கம்பளை உடபளாத்த பிரதேச செயலகம் வரை பேரணியாக சென்று பிரதேச செயலாளரிடம் கடிதம் ஒன்றையும் கையளித்தனர்.