சடலத்தை அடையாளம் காட்ட உதவுமாறு பொதுமக்களிடம் பொலிஸார் வேண்டுகோள்

(மொஹொமட் ஆஸிக்)

கண்டி தித்தபஜ்ஜல வைத்தியசாலையில்  இனந்தெரியாத ஆண் ஒருவரின் சடலம் ஒன்று வைக்கப்பட்டுள்ளதாக பொலிஸார் கூறுகின்றனர்.

நேற்று வியாழக்கிழமை இரவு கண்டி - குருணாகல் வீதியில் விழ்ந்திருந்த ஒருவரை பொலிஸார் முன்வந்து வைத்தியசாலையில் அனுமதிக்கப்பட்ட பின் அவர் உயிரிழந்ததாகவும் அவரை யார் என்பதை அடையாலம் காண முடியாது உள்ளதாகவும் பொலிஸார் கூறுகின்றனர்.

நடுத்தர வயதுடைய இவரின் சடலத்தை அடையாளம் காண்பதற்கு உறவினர்களை முன்வருமாரும் பொலிஸார் வேண்டிக்கொள்கின்றனர். இது சம்பந்தமான விபரங்களை கட்டுகஸ்தோட்டை பொலிஸில் பெற்றுக்கொள்ள முடியும் என்றும் 0812 499222 என்ற தொலைபேசி மூலமும் வினவலாம் என்றும் பொலிஸார் தெரிவிக்கின்றனர்.