பாதையில் நின்ற இருவரை முச்சக்கரவண்டியால் மோதி விட்டு தப்பிச்சென்ற சாரதி கைது

(மொஹொமட் ஆஸிக்)

அக்குறணை நகரில் பாதையோரமாக நின்ற இருவரை முச்சக்கரவண்டியால் மோதி விட்டு தப்பிச்சென்ற சாரதியை கட்டுகஸ்தோட்டை பொலிஸார் நேற்று  வியாழக்கிழமை மாலை கைதுசெய்துள்ளனர்.

இதன்போது பலத்த காயங்களுக்குள்ளான அவ்விருவரும் கண்டி பிரதான வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.

கைதுசெய்யப்பட்ட முச்சக்கரவண்டியின் சாரதியை கண்டி பிரதான நீதவான் முன்னிலையில் ஆஜர்படுத்தவுள்ளதாக கட்டுகஸ்தோட்டை பொலிஸார் தெரிவித்தனர்.