மத்திய மாகாண பாடசாலைகளுக்கு நாளையும் விடுமுறை

( எஸ்.சுவர்ணஸ்ரீ )

மத்திய மாகாணத்திலுள்ள சகல பாடசாலைகளுக்கும் நாளை செவ்வாய்க்கிழமையும் விடுமுறை வழங்கப்பட்டுள்ளதாக மத்திய மாகாண கல்விப் பணிப்பாளர் விஜயஸ்ரீ ஹேரத் தெரிவித்தார்.

மத்திய மாகாணத்தில் நிலவுகின்ற சீரற்ற காலநிலையினால் மத்திய மாகாணத்திலுள்ள சகல பாடசாலைகளுக்கும் இன்று 10 ஆம் திகதி விடுமுறை வழங்கப்பட்டிருந்தது.

இந்த நிலையில் மத்திய மாகாணத்திலுள்ள கண்டி, நுவரெலியா, மாத்தளை ஆகிய மாவட்டங்களில் தொடர்ந்து சீரற்ற காலநிலை காணப்படுவதால் மத்திய மாகாணத்திலுள்ள சகல பாடசாலைகளுக்கும் நாளை விடுமுறை வழங்கப்படுகின்ற வேளை நாளை மறுதினம் புதன்கிழமை சகல பாடசாலைகளும் திறக்கப்பட வேண்டுமென மத்திய மாகாண கல்விப் பணிப்பாளர் மேலும் தெரிவித்தார்.