அம்பகமுப் பிரதேச செயலகத்தில் 12 தொற்றாளர்கள்

எஸ்.சதீஸ்

அம்பகமுவ பிரதேசசெயலாளர் பிரிவுக்குட்பட்ட பகுதியில், இன்று (02) 12 பேருக்கு, கொரோனா வைரஸ் தொற்று உறுதி செய்யப்பட்டுள்ளது என, பொதுசுகாதார அதிகாரிகள் தெரிவித்தனர்.

இதன் பிரகாரம், கினிகத்தேனை பொலிஸ் பிரிவுக்குட்பட்ட பிளக்வோட்டர் பகுதியில் 5 தொற்றாளர்களும் மில்லகாமுல்ல பகுதியில் ஒரு தொற்றாளரும், நோட்டன் பிரிட்ஜ் கிரிலெநெலிய பகுதியில் 2 தொற்றாளர்களும், தண்கலையில் 3 தொற்றாளர்களும், மஸ்கெலியா சாமிமலை பகுதியில் ஒரு தொற்றாளரும் என, மொத்தம் 12 தொற்றாளர்கள உறுதி செய்யப்பட்டுள்ளனர்.

இந்த 12 தொற்றாளர்களும் கொழும்பில் இருந்து வந்துள்ளனர் என்றும் இவர்களுக்கு மேற்கொள்ளப்பட்ட பிசிஆர் பரிசோதனையின் போதே, தொற்று உறுதி செய்யப்பட்டுள்ளது என்றும் தெரிவிக்கப்படுகின்றது.