ஆசிரியர் உதவியாளர்களுக்கு 15இற்கு முன் நியமனம்

சாமிவேல் சுதர்ஷினி

பெருந்தோட்ட ஆசிரிய உதவியாளர்கள் 805பேருக்கான நியமனங்களை, ஜனவரி மாதம் 15ஆம் திகதிக்கு முன்னர் வழங்குவதற்கான நடவடிக்கைகளை மேற்கொண்டுள்ளதாக இராஜாங்க கல்வி அமைச்சர் வே.இராதாகிருஷ்ணன் தெரிவித்தார்.

தேசிய கல்வியற் கல்லூரிகளிலிருந்து பயிற்சி பெற்று வெளியேறிய 442 பேருக்கான நியமனம் நேற்று  செவ்வாய்க்கிழமை (29) கல்வியமைச்சில் வைத்து வழங்கப்;பட்டது. இந்நிலையில், பெருந்தோட்ட ஆசிரிய உதவியாளர்கள் 3021 பேரில் 805 பேருக்கான நியமனங்கள் வழங்கப்பாடாதுள்ளமை குறித்து வினவிய போதே அவர் மேற்கண்டவாறு தெரிவித்தார்.

இது தொடர்பில் தொடர்ந்து கருத்து தெரிவித்த அவர், 'ஆசிரிய உதவியாளர்களுக்கு மூன்று கட்டங்களாக நியமனங்கள் வழங்கப்பட்டிருந்தன. சில காரணங்களால் 805 பேருக்கான நியமனத்தில் தாமதம் ஏற்பட்டிருந்து. அவர்களுக்கான நியமனத்தை ஜனவரி மாதம் 15ஆம் திகதிக்கு முன்னர் வழங்குவதற்கான ஏற்பாடுகள் அனைத்தும் மேற்கொள்ளப்பட்டுள்ளது' என மேலும் தெரிவித்தார்.