இரத்தினபுரி நகரில் மிருக வைத்தியசாலை

ஏ.ஏ.எம்.பாயிஸ்

வீடுகளில் வளர்க்கப்படும் செல்லப்பிராணிகளுக்கு சிகிச்சையளிக்கும் வகையில், இரத்தினபுரி நகரில் மிருக வைத்தியசாலையொன்று அமைக்கப்பட்டுள்ளதாக, இரத்தினபுரி மாவட்ட கால்நடைகள் மிருக வைத்தியத் திணைக்கள அதிகாரிகள் தெரிவித்தனர்.

சப்ரகமுவ மாகாண ஆளுநர் டிக்கிரி கொப்பேகடுவவின் வழிநடத்தலின் கீழ், இந்த வைத்தியசாலை நிர்மாணிக்கப்பட்டுள்ளதாகவும் இதன் பணிகள் எதிர்வரும் வாரங்களில் ஆரம்பிக்கப்படவுள்ளதாகவும் அவர் தெரிவித்தார். 

இந்த வைத்தியசாலையில், வீடுகளில் வளர்க்கப்படும் கால்நடைகள்,  செல்லப்பிராணிகள், பறவைகளுக்கு சிகிச்சை அளிக்கப்படவுள்ளதாக அதிகாரிகள் மேலும் தெரிவித்தனர்.