உள்ளூராட்சி வாரத்தை முன்னிட்டு விசேட வேலைத்திட்டம்

-மொஹொமட் ஆஸிக்

2015ஆம் ஆண்டுக்கான உள்ளூராட்சிவாரத்தை முன்னிட்டு, அக்குறணை பிரதேச சபை விசேட வேலைத்திட்டங்களை முன்னெடுக்கவுள்ளது.

எதிர்வரும் 7 ஆம் திகதி முதல் 13 ஆம் திகதி வரை உள்ளூராட்சிமன்ற வாரம் இடம்பெற உள்ளது. முதல் நாளான 7 ஆம் திகதி நடமாடும் சேவை தினமாகவும், 08 ஆம் திகதி வருமான அபிவிருத்தி தினமாகவும், 09 ஆம் திகதி சுகாதார தினமாகவும், 10 ஆம் திகதி கல்வி மற்றும் நூலக தினமாகவும், 11 ஆம் திகதி சுற்றாடல் தினமாகவும், 12 ஆம் திகதி மக்கள் தினமாகவும் இறுதி நாளான 13 ஆம் திகதி விளையாட்டு தினமாகவும் பிரகடனப்படுத்தப்பட்டுள்ளது.

இவ்வேலைத்திட்டமானது, அக்குறணை பிரதேச சபை பிரிவு முழுவதிலும் விரிவுப்படுத்தப்பட்டு அமுல்படுத்தப்படவுள்ளதாக பிரதேச சபை தெரிவித்தது.