எச்சரிக்கைப் பலகையிருந்தும் லொறி விபத்து

கு.புஸ்பராஜ்

நுவரெலியாவிருந்து தலவாக்கலை பிரதேசத்துக்கு கோழி உரம் ஏற்றிச்சென்ற லொறி, ரதெல்ல குறுக்கு வீதியில் மண்மேட்டில் மோதி, இன்று காலை 7 மணியளவில் விபத்துக்குள்ளாகியுள்ளதாக, பொலிஸார் தெரிவித்தனர்.

இவ்விபத்தில் எவருக்கும் காயங்கள் ஏற்படவில்லை என்பதுடன், விபத்து தொடர்பான விசாரணையை நானுஓயா பொலிஸார் மேற்கொண்டு வருகின்றனர்.

வாகன விபத்துகளை தடுக்கும் வகையில் சாரதிகளுக்கு தெளிவுபடுத்தும் எச்சரிக்கை விளம்பரப் பலகைகள், இப்பாதையில் காட்சிப்படுத்தப்பட்டிருந்தும் இவ்வாறான விபத்துகள் தொடர்ந்தவண்ணம் இருப்பதாக, நானுஓயா பொலிஸார் சுட்டிக்காட்டினர்.

அத்துடன், வாகனங்களை அவதானத்துடன் செலுத்துமாறு போக்குவரத்துப் பொலிஸார் சாரதிகளிடம் கேட்டுக்கொண்டுள்ளனர்.