கடுகண்ணாவ வீதியை திறக்க தாமதமாகும்

கடுகண்ணாவ-கொழும்பு பிரதான சாலையில் ஏற்பட்ட பேரிடர் நிலைமை காரணமாக மூடப்பட்டுள்ள A-01 பிரதான வீதியை மீண்டும் திறப்பது தேசிய கட்டிட ஆராய்ச்சி அமைப்பின் பரிந்துரைகளின்படி மட்டுமே செய்யப்படும் என்று போக்குவரத்து மற்றும் நெடுஞ்சாலைகள் பிரதி அமைச்சர் டாக்டர் பிரசன்ன குணசேன தெரிவித்தார்.

கொழும்பிலிருந்து கண்டிக்கு செல்லும் வாகனங்கள் குருநாகல் மற்றும் ரம்புக்கனைக்கு திருப்பி விடப்பட்டுள்ளன.

கம்பளை நோக்கி செல்லும் வாகனங்களும் ஹெம்மாதகமவுக்கு திருப்பி விடப்பட்டுள்ளன.

வீதி அபிவிருத்தி அதிகாரசபையின் பணிப்பாளர் நாயகம் அந்த இடத்தை பார்வையிட்டு ஆய்வு செய்தார். தேசிய கட்டிட ஆராய்ச்சி அமைப்பின் பரிந்துரை இல்லாமல் வீதியைத் திறப்பது சாத்தியமில்லை. மற்றொரு நிலையற்ற பகுதி இருப்பதாக எங்களுக்குத் தகவல் கிடைத்துள்ளது. மழை தொடர்வதால், வீதியை திறப்பது இரண்டொரு  நாட்கள் தாமதம் ஏற்படலாம்.

இந்த மண்சரிவுப் பகுதியில் ஒரு ரயில் பாதையும் அமைக்கப்பட்டுள்ளது. இருப்பினும், இந்த இடத்திலிருந்து ரயில்கள் குறைந்த வேகத்தில் இயக்கப்படுகின்றன. ரயிலை நிறுத்துவதா? இல்லையா? என்பது குறித்து இன்னும் முடிவு எடுக்கப்படவில்லை என்று பிரதி அமைச்சர் டாக்டர் பிரசன்ன குணசேன மேலும் தெரிவித்தார். அந்த இடத்தின் நிலைமையை ஆராய்ந்த பிறகு பெறப்பட்ட பரிந்துரைகளின் அடிப்படையில் ஒரு முடிவு எடுக்கப்படும்.