காணாமல் போன பெண் கண்டுபிடிக்கப்பட்டுள்ளார்

சிவனடி பாத மலைக்கு தரிசனம் செய்ய சென்று  7 நாட்களாக காணாமல் போயிருந்த 79 வயதுடைய பெண்  இரத்தினபுரி - எரட்ன வீதியிலிருந்து  திங்கட்கிழமை  (04)  கண்டுபிடிக்கப்பட்டுள்ளார்.

மல்சிறிபுர மதஹபொலவைச் சேர்ந்த 79 வயதான  ஜி.  மெகோ நோனா, என்ற  பெண் தனது குடும்பத்தாருடன்  கடந்த 23 ஆம் திகதி சிவனடி பாத மலை தரிசனம் செய்ய சென்றுள்ளார் . 

அதன்போது  , குறித்த பெண் கூட்டத்திலிருந்து காணாமல் போயுள்ளதுடன்  உறவினர்களால்  கண்டுபிடிக்க முடியாத  நிலையில் பொலிஸாரிடம் முறைப்பாடு  செய்துள்ளனர்  . 

இந்  நிலையில்  எரட்ண வீதியில் குறித்த  பெண்  இருப்பதாக  எரட்ண விகாரை பிக்கு  ஒருவர்  ஊர் மக்களுக்கு அறிவித்துள்ளதையடுத்து   தற்போது  அவரை   இரத்தினபுரி வைத்தியசாலையில் அனுமதிக்கப்பட்டு   சிகிச்சை பெற்று வருகின்றார்.

செ.தி.பெருமாள்