’குடிநீரை சிக்கனமாகப் பயன்படுத்தவும்’

இரா.யோகேசன் 

மலையகத்தில் தற்போது வரட்சியான காலநிலை நிலவுவதால், நீர்நிலைகள் வற்றிவருவதாகவும் எனவே, எதிர்வரும் வாரங்களில் குடிநீருக்குத் தட்டுப்பாடு ஏற்படலாம் என்பதால், பொதுமக்கள் குடிநீரை சிக்கனத்துடன் பயன்படுத்துமாறும் அதிகாரிகள் அறிவுறுத்தியுள்ளனர்.

ஊற்றுக்கள், ஆற்றுநீர், குளங்களிலேயே நீர்வற்றி வருவதாக அதிகாரிகள் தெரிவித்துள்ளனர். 

அத்துடன், காலைப் பொழுது குளிரும் மதியம் வேளையில் உஷ்ணமான காலநிலையும் நிலவுவதால் ஒவ்வாமை உள்ளிட்ட பல பிரச்சினைகள் ஏற்படலாம் என்பதால், பொதுமக்கள் தமது உடல்நிலை குறித்து அவதானம் செலுத்துமாறு, அதிகாரிகள் அறிவுறுத்தியுள்ளனர்.