கொட்டகலையில் விபத்து; ஒருவர் படுகாயம்

எம்.கிருஸ்ணா 

ஹட்டன்- நுவரெலியா பிரதான வீதி, கொட்டகலை ரொசிட்டா பண்ணைக்கு அருகில், இன்று (4) பிற்பகல் 2.30 மணியளவில் இடம்பெற்ற விபத்தில் ஒருவர் படுகாயமடைந்த நிலையில், டிக்கோயா கிளங்கன் வைத்தியசாலையில் அனுமதிக்கப்பட்டுள்ளார். 

கொட்டகலையிலிருந்து ஹட்டன் நோக்கிப் பயணித்த மோட்டார் சைக்கிளும் ஹட்டனிலிருந்து நுவரெலியாவுக்குப் பயணித்த ஓட்டோவும் நேருக்கு நேர் மோதிக் கொண்டதில், மோட்டார் சைக்கிளில் பயணித்தவர் படுகாயமடைந்துள்ளார் என்று பொலிஸார் தெரிவித்தனர்.

ஓட்டோ சாரதி கைதுசெய்யப்பட்டுள்ள நிலையில், பொலிஸார் விசாரணைகளை மேற்கொண்டு வருகின்றனர்.