சுகாதார மாநாட்டில் பதுளையைச் சேர்ந்த இருவர் பங்கேற்பு

எம்.செல்வராஜா           

தெற்காசிய நாடுகளுக்கான ஆறாவது சுகாதார மாநாட்டில் பங்கேற்பதற்காக பதுளையைச் சேர்ந்த இரு இளைஞர்கள் எதிர்வரும் 9ஆம் திகதி பங்களாதேஸுக்கு பயணமாகவுள்ளனர். தெற்காசிய நாடுகளுக்கான ஆறாவது சுகாதார மாநாடு, எதிர்வரும் 11ஆம் திகதி முதல் 15 திகதிவரை, பங்களாதேஸின் தலைநகரான டாக்காவில் இடம்பெறவுள்ளது.

இம்மாநாட்டில் பதுளை மாவட்ட பெருந்தோட்டத்துறையைச் சார்ந்த சுப்ரமணியம் தவசீலன் மற்றும் சரவணமுத்து ஜெயம் ஆகிய இருவரும் பங்கேற்கவுள்ளனர்.

இவ்விருவரும், பதுளையைத் தளமாகக் கொண்டியங்கும் பெருந்தோட்ட மக்கள் அபிவிருத்தி இணையத்தின் பிரதான இணைப்பளார்களாக கடமையாற்றி வருகின்றனர்.