சிறுத்தையின் தாக்குதலில் தாய் படுகாயம்

மு.இராமச்சந்திரன்

மஸ்கெலியா பொலிஸ் பிரிவுக்குட்பட்ட சாமிமலை ஸ்ரப்பீ தோட்டத்தின் அவரவத்தை பிரிவில் சிறுத்தையின் தாக்குதலுக்குள்ளான அப்பகுதியைச் சேர்ந்த  3 பிள்ளைகளின் தாயான பெருமாள் கனகம்மாள் (வயது 45), வைத்தியசாலையில் சிகிச்சை பெற்று வருகின்றார்.

நேற்று ஞாயிற்றுக்கிழமை (21) காலை தேயிலைத் தோட்டத்தில் கொழுந்து பறித்துக்கொண்டிருந்த போதே,  இவர் சிறுத்தையின் தாக்குதலுக்கு இலக்காகியுள்ளார்.

இதில் படுகாயமடைந்த மேற்படி பெண், மஸ்கெலியா மாவட்ட வைத்தியசாலையில் அனுமதிக்கப்பட்டு பின்னர் மேலதிக சிகிச்சைகளுக்காக  நாவலப்பிட்டிய ஆதார வைத்தியசாலைக்கு மாற்றப்பட்டார்.