திருட்டில் ஈடுபட்ட மூன்று சிறுவர்கள் கைது

பாலித ஆரியவன்ச

பாதுளை, ஹாலி-எல பகுதியிலுள்ள வீடொன்றில் 28,000 ரூபாய் பணத்தையும் 10 ஆயிரம் ரூபாய் பெறுமதியுடைய திறன்பேசியையும் திருடியதாகக் கூறப்படும் மூன்று சிறுவர்களை பதுளை பொலிஸார் சனிக்கிழமை(2) கைதுசெய்துள்ளனர்.

மேற்படி பிரதேசத்தைச் சேர்ந்த 11, 13, 14 வயதுடைய சிறுவர்களே இதன்போது கைதுசெய்யப்பட்டுள்ளனர்.

இவர்களிடமிருந்து 10 ஆயிரம் ரூபாய் பெறுமதியான திறன்பேசி மற்றும் திருடப்பட்ட பணத்தில் கொள்வனவு செய்யப்பட்ட 5 அலைபேசிகளையும் எஞ்சிய 6 ஆயிரம் ரூபாயையும் பொலிஸார் மீட்டுள்ளனர்.

மேற்படி சிறுவர்களை நீதிமன்றில் ஆஜர்செய்வதற்கான நடவடிக்கைளில் பொலிஸார் ஈடுபட்டு வருகின்றனர்.