தேசிய சுத்தமான உற்பத்தி விருதுகள் 2025

தலவாக்கலை டீ எஸ்டேட் பிஎல்சி நிறுவனத்தின் ஹொலிரூட் தேயிலை தொழிற்சாலை, தேயிலை துறை – நடுத்தர பிரிவு வகையில் தங்க விருது பெற்றுள்ளது. 

இவ்விருது, தொழில் மற்றும் தொழில் முனைவோர் அபிவிருத்தி அமைச்சின் கீழ் செயல்படும் இலங்கை தேசிய சுத்தமான உற்பத்தி மையத்தில் (NCPC) நடத்தப்பட்ட தேசிய சுத்தமான உற்பத்தி விருதுகள் 2025 விழாவில் வழங்கப்பட்டது.

சுத்தமான உற்பத்தி, வளங்கள் திறமையாக பயன்படுத்துதல்,கழிவு குறைப்பு மற்றும் நிலைத்துத் திகழும் தொழில்துறை நடைமுறைகளில் சிறந்த பங்களிப்புகளை வழங்கும் நிறுவனங்களை இவ்விருது கௌரவிக்கிறது.

இந்த உயரிய தங்க விருது, தொழில் மற்றும் தொழில் முனைவோர் அபிவிருத்தி அமைச்சர் சுனில் ஹந்துன்னெத்தி அவர்களால் வழங்கப்பட்டது. ஹோலி ரூட் தேயிலை தொழிற்சாலை, சுற்றுச்சூழல் நட்பு உற்பத்தி முறைகள் மற்றும் ஆற்றல் திறன் மேம்பாட்டில் செய்துள்ள சிறப்பான பங்களிப்பிற்காக இவ்விருதை பெற்றது.

தலவாக்கலை டீ எஸ்டேட் பிஎல்சி இவ்விருதைப் பெறுவதில் பெருமை தெரிவித்ததுடன்,இலங்கையின் தேயிலை தொழில் துறையில் நிலைத்த உற்பத்தி நடைமுறைகளை தொடர்ந்து முன்னெடுக்க உறுதியளித்தது.

எஸ் சதீஸ்