நீரில் முழ்கி இளைஞன் பலி: நால்வர் கைது

செனரத் பண்டார

களுகமுவை மஹாவலி கங்கையில் நீராடச் சென்றபோது நீரில் மூழ்கி உயிரிழந்த 19 வயது இளைஞனின் மரணம் தொடர்பாக அவ்விளைஞனின் நண்பர்கள் நால்வரிடம் விசாரணைகளை மேற்கொண்டு வருவதாக பேராதெனிய பொலிஸார் தெரிவித்தனர்.

கடந்த வெள்ளிக்கிழமை(13) மஹாவலி கங்கையில் நீராடச் சென்ற ஐந்து நண்பர்களில் ஒருவர் நீரில் மூழ்கி உயிரிழந்தார்.

இவர்கள் நீராடி கொண்டிருந்தபோது மஹாவலி கங்கையில் திடீரென நீர்மட்டம் கூடியதால் மேற்படி ஐவரும் நீரில் அடித்துச் செல்லப்பட்டனர்.  பிரதேசவாசிகளின் உதவியுடன் இவர்கள் ஐவரும் மீட்கப்பட்டப்போதிலும் 19 வயது இளைஞனான ஜி.ஜி.துமிந்த பண்டார என்ற இளைஞன் மூச்சுத் திணறி உயிரிழந்தார்.

இவரது மரணம் தொடர்பிலான விசாரணைகளை மேற்கொள்ளவதற்காகவே மேற்படி நால்வரையும் பொலிஸார் கைதுசெய்துள்ளனர்.

இச்சம்பவத்தில் உயிரிழந்தவர் எலமல்தெனிய, முரதகஹமுல பிரதேசத்தை சேர்ந்தவரென்றும் இவர், அம்பேபுஸ்ஸவிலுள்ள இராணுவ முகாமில் பயிற்சிபெற்று வருபவரென்றும் விசாரணைகளில் தெரியவந்துள்ளது.