பிதுருதாலகல மலையில் காட்டுத் தீ

எஸ்.கணேசன்

நுவரெலியா பொலிஸ் பிரிவுக்கு உட்பட்ட  பிதுருதாலகல மலையில், நேற்று  மாலை ஏற்பட்ட காட்டுத் தீ காரணமாக சுமார் ஓர் ஏக்கர் நிலப்பரப்பு தீக்கிரையாகியுள்ளதாக, நுவரெலியா பொலிஸார் தெரிவித்தனர்.

தீயைக் கட்டுபாட்டுக்குள் கொண்டுவர முடியாத காரணத்தால், விமானப் படையினரின் உதவி கோரப்பட்டதாகவும் ஹெலிகொப்டர் மூலம் நீர்ப்பாய்ச்சியே தீயைக் கட்டுப்பாட்டுக்குள் கொண்டுவந்ததாகவும் பொலிஸார் தெரிவித்தனர். 

காட்டுக்கு விஷமிகள் தீ வைத்திருக்கலாம் என்று சந்தேகம் தெரிவிக்கும் பொலிஸார் தீ மூட்டக்கூடியப் பொருட்களுன் காட்டுக்குச் செல்வதைத் தவிர்க்குமாறும் அறிவுறுத்தியுள்ளனர்.