மரங்கள் முறிந்து விழுந்ததால் மின்கம்பங்கள் பாதிப்பு

 
நுவரெலியா-கந்தப்பளை பிரதான வீதி, ஹாவாஎலியவில் இன்று அதிகாலை வீசிய கடுங்காற்று காரணமாக, பாரிய மரங்கள் மூன்று முறிந்து, மின்கம்பங்களின் மீது விழுந்ததில், கந்தப்பளை பகுதிக்கான மின் விநியோகம் பல மணி நேரம் தடைப்பட்டிருந்ததாக, நுவரெலியா பொலிஸார் தெரிவித்தனர்.

இதேவேளை, ஹாவாஎலிய மற்றும் கந்தப்பளை பகுதிக்கான போக்குவரத்து தடைப்பட்டிருந்ததாக பொலிஸார் தெரிவித்தனர்.

நுவரெலியா பொலிஸாரும் மின்சார சபை ஊழியர்களும் இணைந்து, மரங்களையும் மின் கம்பங்களையும் அகற்றும் பணியில் ஈடுபட்டனர்.