ரயில் தடம்புரள்வு: இரவு நேர தபால் ரயில் தாமதம்

கொழும்பு கோட்டையிலிருந்து பதுளை வரை பயணித்த உடரட்ட மெனிக்கே ரயிலானது இன்று மாலை 6.30 மணியளவில் பண்டாரவளை- கினிகம ரயில் நிலையங்களுக்கிடையில் உள்ள சுரங்கமொன்றில் தடம்புரண்டுள்ளதாக ரயில்வே கட்டுபாட்டு நிலையம் தெரிவித்துள்ளது.

இதனால் எவருக்கும் எவ்வித பாதிப்பும் ஏற்படவில்லையென்று தெரிவித்துள்ள ரயில்வே கட்டுபாட்டு நிலையம் இந்த தடம்புரள்வையடுத்து, ரயில் பயணிகள் பஸ்கள் மூலம் பதுளைக்கு அனுப்பப்பட்டதாகவும் தெரிவித்துள்ளது.

இதன்காரணமாக ​பதுளையிலிருந்து கொழும்பு நோக்கிய பயணிக்கும் இரவு நேர தபால் ரயில் தாமதமடையும் என்றும் தெரிவிக்கப்படுகின்றது.