விபத்தில் காயமடைந்தவர் மரணம்

துவாரக்ஷான்

கடந்த 05 திகதி அக்கரப்பத்தனை -டொரிங்டன் தோட்டத்தில் விபத்துக்குள்ளான ட்ரெக்டரில் காயமடைந்து, வைத்தியசாலையில் அனுமதிக்கப்பட்ட மூவருள் ஒருவர் நேற்று (11) உயிரிழந்துள்ளார்.

டொரிங்டன்  தொழிற்சாலையிலிருந்து  கல்மதுரை பிரிவு தேயிலை மலைகளுக்கு  உரம்  ஏற்றிச் சென்ற‌ ட்ரெக்டர் , பாலத்திலிருந்து விலகி  குடை சாய்ந்ததில் மூவர் வைத்தியசாலையில் பலத்த காயங்களுடன் அனுமதிக்கப்பட்டனர்.

இவ்வாறு அனுமதிக்கப்பட்டவர்களுள் மேலதிக சிகிச்சைக்காக,  நுவரெலியா மாவட்ட வைத்தியசாலைக்கு  கொண்டு செல்லப்பட்ட  48 வயதுடைய சங்கபுள்ள தங்கையா இரண்டு பிள்ளைகளின் தந்தையே உயிரிழந்துள்ளார்.