விளையாட்டு உபகரணங்கள் வழங்கல்

நானுஓயா பிரதேச  இளைஞர்களின் விளையாட்டுத் திறமையை ஊக்குவிக்கும் வகையில், ஒரு தொகுதி விளையாட்டு உபகரணங்கள், நேற்று  (27)  வழங்கப்பட்டன.

இலங்கைத் தொழிலாளர் காங்கிரஸின் இளைஞரணியின் நானுஓயா பிரதேச இளைஞர்களுக்கான கூட்டம், நானுஓயா மகாத்மா காந்தி மண்டபத்தில் நடைபெற்றது. 

இதன்போது பிரதேச இளைஞர்களின் பல்வேறுபட்ட பிரச்சினைகள் தொடர்பில் கலந்துரையாடப்பட்டதுடன், விளையாட்டுத் திறமைகளை ஊக்குவிப்பதற்குத் தேவையான ஆலோசனைகளும் வழங்கப்பட்டன.

இதன் ஒரு கட்டமாக, மேற்படிப் பிரதேசத்தைச் சேர்ந்த இளைஞர்களை, கிரிக்கெட் கடினப்பந்து விளையாட்டில் ஊக்குவிக்கும் வகையில், ஒரு தொகுதி விளையாட்டு உபகரணங்கள் வழங்கப்பட்டன.

இந்நிகழ்வில், கொட்டகலை பிரதேச சபையின் தவிசாளரும் இ.தொ.காவின் இளைஞர் அணி தலைவருமான ராஜமணி பிரசாந்த், பொதுச்செயலாளர் அர்ஜூன், நுவரெலியா கிரிக்கட் சங்கத்தின் செயலாளர் ஜகத் ஜயசுந்தர, இலங்கை தேசிய கரப்பந்தாட்டக் குழுவின் பயிற்சியாளர்  மற்றும் நிகழ்வுகளை ஏற்பாடு செய்த வர்த்தகர் திருச்செல்வம் ஆகியோர் கலந்துகொண்டனர்.