வேகக்கட்டுப்பாட்டை இழந்த வான் 120 அடி பள்ளத்தில் பாய்ந்து விபத்து

ஹற்றன் பொலிஸ் பிரிவுக்கு உட்பட்ட, ஹற்றன்-கொழும்பு பிரதான வீதியில் மல்லியப்பு சந்தி பகுதியில் இன்று (15) காலை வான் ஒன்று 120 அடி பள்ளத்தில் பாய்ந்து விபத்துக்குள்ளானதில் மூவர் படுகாயமடைந்து வைத்தியசாலையில் அனுமதிக்கப்பட்டுள்ளனர்.

குறித்த வானில் 6 பேர் பயணம் செய்துள்ளதுடன் பெண்ணொருவர் உட்பட மூவர், விபத்தில் காயமடைந்துள்ளனர். காயமடைந்தவர்கள் பொதுமக்களின் உதவியுடன் உடனடியாக டிக்கோயா ஆதார வைத்தியசாலையில் அனுமதிக்கப்பட்டனர். அவர்களில் ஒருவர் மேலதிக சிகிச்சைக்காக நாவலப்பிட்டி வைத்தியசாலைக்கு அனுப்பி வைக்கப்பட்டுள்ளதாக வைத்தியசாலை அதிகாரிகள் தெரிவித்தனர்.