ஹாலிஎல நகரில் பொலிஸ் நிலையம் அமைக்க நடவடிக்கை

பதுளை, ஹாலிஎல நகரில் பொலிஸ் நிலையமொன்றை அமைக்க நடவடிக்கை எடுத்துள்ளதாக வீதி அபிவிருத்தி இராஜாங்க அமைச்சரும் ஸ்ரீலங்கா சுதந்திரக் கட்சியின் ஹாலிஎல தொகுதி அமைப்பாளருமான டிலான் பெரேரா தெரிவித்தார்.

'ஹாலிஎலயில் தற்போது பொலிஸ் சோதனைச் சாவடி ஒன்றே இயங்கி வருகின்றது. இந்த சோதனை சாவடியை அகற்றி நிரந்ததமாக பொலிஸ் நிலையமொன்றை அமைக்க திட்டமிட்டுள்ளோம்' என்றார்.

'ஹாலிஎல நகரில் தற்போது நிர்மாணிக்கப்பட்டு வரும் அஞ்சல் அலுவலக கட்டடத் தொகுதியின் ஒரு பகுதியிலேயே, இந்த பொலிஸ் நிலையம் அமையவுள்ளது' என்றும் அவர் குறிப்பிட்டார்.