ஹெரோய்னுடன் இளைஞர் கைது

மு.இராமச்சந்திரன்

ஹட்டன் காமினிபுர பகுதியில், விற்பனைக்காக வைக்கப்பட்டிருந்த ஒருதொகை ஹெரோய்ன் பக்கெட்டுகளுடன் 28 வயது இளைஞரை, ஹட்டன் கலால் திணைக்கள அதிகாரிகள், புதன்கிழமை மாலை, கைதுசெய்துள்ளனர்.

இதன்போது, 10 பக்கெட்டுகளில் பொதிசெய்யப்பட்டிருந்த நிலையில், 4 கிராம் 80 மில்லிகிராம் ஹெரோய்ன் கைப்பற்றப்பட்டுள்ளன.

கைது செய்யப்பட்ட சந்தேக நபரை, ஹட்டன் மாவட்ட நீதிமன்றில் ஆஜர்படுத்தவுள்ளதாக, கலால் திணைக்கள அதிகாரிகள் தெரிவித்தனர்.