போதை மாத்திரைகளுடன் மூவர் கைது

துசித குமார

நாட்டில் ஊரடங்கு உத்தரவு பிறப்பிக்கப்பட்டுள்ள நேரத்தில், மோட்டார் சைக்கிள்களில் போதை மாத்திரைகளை கொண்டுசென்ற மூவரை, பொலிஸார் இன்று (05) கைதுசெய்துள்ளனர்.

பேருவளை- அம்பேபிட்டி பகுதியில் வைத்தே, இவர்கள் கைதுசெய்யப்பட்டுள்ளனர். 

பேருவளை பொலிஸ் நிலையப் பொறுப்பதிகாரிக்கு கிடைக்கப்பெற்ற தகவலையடுத்தே, இந்த சுற்றிவளைப்பு மேற்கொள்ளப்பட்டுள்ளது.

கைதுசெய்யப்பட்ட சந்தேக நபர்களிடமிருந்து  1360 போதை மாத்திரைகளை பொலிஸார் கைப்பற்றியுள்ளனர்.